يا ابو فهد مجهول سوق الرياض مول
زود عذابي بين يوم(ن)وليله
ارسل لقلبي سهم بالقصد مرسول
من قاعدة رمش العيون الكحيله
دمر حياتي وقال ماني بمسئول
قلت العفو روحي من اجلك عليله
قال الوداع وقلت ماهوب معقول
تترك صويب العشق وانته عميله
غادر وعيني دمها كنه اسيول
من عقب براق المزؤن المخيله
لنشاء على الباحه مطرها ومنقول
لساحل الغربي و قفر العسيله
انا اشهد انه باشة الغيد مجمول
كامل وصوف(ن)بالعذارى قليله
ابو جديل اشقر على المتن منثول
ماضن يطرى ب الخلايق مثيله
لاحول من غلطتك يا قلب لاحول
مالي بصيره في عنادك وحيله
وهقتنا واشغلتنا بحب مجهول
ما ينعرف له ديره ولا قبيل
حملت روحي هم ماهوب مشيول
اقوى جمال الباديه ما تشيله
لا تعذر والعذر ماهوب مقبول
ياقلب حقق غايتك والوسيله
لوغايتك في هدم خلف وابو الهول
النصر هيبه والمذله فشيله
ياقلب طاوعني اختصرهابهل القول
قال المثل عقل ابنيادم دليله
الرئيسية 
